خاص للمبتدئين المغاربة:✅
شنو هو الكريبتو Crypto هو فقط اختصار لكلمة باللغة الانجليزية لي هي كريبتوكورينسي Cryptocurrency لي كتعني العملة الرقمية أو العملة الافتراضية.
هاد العملة هي عملة مشفرة أي مؤمنة بطريقة كتعتامد على ما يسمى اللامركزية التابعة لتقنية البلوكتشين Blockchain.
شنو هي اللامركزية؟ وشنو هو البلوكتشين؟
اللامركزية يعني هاد العملة ما تبعاش للبنوك المركزية العالمية أو مؤسسات دولية وحكومية، بحال عملة الدرهم مثلا لي كتخضع لسعر الصرف، أما العملة الرقمية كتعتمد على شبكات لامركزية وخدامة بتقنية البلوكتشين.
واشنو هو البلوكتشين؟
البلوكتشين هو نظام تكنولوجي متداخل من تقنيات متعددة يعني كيستخدم تقنيات وأنظمة عالية جدا، وهاد النظام كيخلي التعاملات والتبادلات بين الأشخاص آمنة ومشفرة وما يمكنش أي شخص يغير المعلومات فهاد التبادلات وهاد الطريقة كتخلي البيانات محفوظة بشكل لا نهائي. وكيمنع تدخل أو استغلال أي جهة أو شخص من التلاعب بهاد العملة الرقمية.
شكون كيصاوب العملة الرقمية؟
كل عملة كيطورها مطورون خاصون، والقيمة ديال كل عملة كترتفع أو كتهبط وتنزل حسب الطلب عليها في السوق، وحسب مشروع أصحاب العملة. كينين مطورين من شركات ألعاب، ومطورين في منصات التداول، وغيرهم.
لهذا قبل ما تشري أي عملة لابد تقرا عليها وتعرف شكون هما المطورين ديالها وأشنو هو المشروع ديالهم.
كيفاش كيكون الربح في التجارة بالعملة الرقمية؟
مثلا يلا شريت عملة رقمية الثمن ديالها حاليا فالسوق 10 دراهم، وبعد أسبوع شريت قطعة أخرى 10 دراهم، وخزنتها وبعد سنة أو أكثر ولات هاد العملة كتساوي 1000 دولار فهكذا غادي تكون ربحت 2000 دولار. أي: 20000 درهم.
وهناك طرق أخرى للربح، وهي كتبيع العملة مباشرة بعد أسبوع أو شهر ف حالة طلع السوق.
فين غادي نشري العملة؟
كاينين منصات خاصين مشهورين من خلالهم كتشري العملات الرقمية وف نفس هاد المنصات كتحتفظ بالعملة ديالك.
شنو هي المنصة؟
المنصة هي مكان بحال السوق، كتسجل فيه، وكتبدا تبيع وتشري في العملات الرقمية، كل منصة كطلب منك التسجيل في البداية، وكدخل المعلومات ديالك بشكل عادي.
شنو هي أفضل منصات الشراء والبيع؟
